ప్రముఖ కథానాయకుడు, జనసేన పార్టీ అధ్యక్షుడు పవన్‌కల్యాణ్‌తో సినీ నిర్మాతల బృందం శుక్రవారం హైదరాబాద్‌లోని ఆయన నివాసంలో భేటీ అయ్యింది. చిత్ర పరిశ్రమకి సంబంధించిన విషయాల గురించి చర్చించింది. ఇటీవలే ఏపీ మంత్రి పేర్ని నానితో ఈ బృందం భేటీ అయిన సంగతి తెలిసిందే. మంత్రిని కలిసి మాట్లాడిన విషయాలు, ప్రభుత్వం నుంచి వచ్చిన స్పందన, పోసాని వ్యాఖ్యలపై ఈ సందర్భంగా చర్చకు వచ్చినట్టు తెలిసింది. పవన్‌కల్యాణ్‌ని కలిసినవారిలో దిల్‌రాజు, దానయ్య, నవీన్‌ ఎర్నేని, వంశీ, సునీల్‌ నారంగ్‌, బన్నీ వాస్‌ ఉన్నారు.
