రవితేజ కథానాయకుడిగా రూపొందిన ‘ఖిలాడి’ సినిమా విడుదలకు ముస్తాబవుతోంది. రమేశ్ వర్మ దర్శకత్వం వహించిన ఈ సినిమా విడుదల తేదీని త్వరలో ప్రకటించనున్నారు. ఈ సినిమా తరువాత ప్రాజెక్టుగా ‘రామారావు ఆన్ డ్యూటీ’ సినిమా షూటింగు జరుపుకుంటోంది. ఇక ఈ సినిమాతో పాటు ఆయన ‘ధమాకా’ కూడా చేస్తున్నాడు.నక్కిన త్రినాథరావు దర్శకత్వంలో ‘ధమాకా’ సినిమా నిర్మితమవుతోంది. ఈ సినిమాలో రవితేజ సరసన నాయికగా ‘పెళ్లి సందD’ హీరోయిన్ శ్రీలీల నటిస్తోంది. కెరియర్ పరంగా రవితేజకు ఇది 69వ సినిమా. ఆల్రెడీ ఈ సినిమా ఫస్టు షెడ్యూల్ షూటింగును పూర్తి చేసుకుని సెకండ్ షెడ్యూల్ కి రెడీ అవుతోంది. ఇక తన 70వ సినిమాను కూడా ఆయన లైన్లో పెట్టేశారనే విషయం అధికారికంగానే బయటికి వచ్చింది. ఈ సినిమాకి సంబంధించిన విషయాలను రేపు ఉదయం 10:08 నిమిషాలకు వెల్లడించనున్నారు. దర్శక నిర్మాతలతో పాటు మిగతా విషయాలను రేపు ప్రకటించనున్నారు.
