సెలెబ్రిటీలకు టాటూలు అంటే మహా పిచ్చి. మరీ ముఖ్యంగా హీరోయిన్లు ఏదో ఒక సూక్తి, జీవిత సత్యం గురించి చెప్పే మాటలను పచ్చబొట్లుగా పొడిపించుకుంటారు. లేదా ఇంకొందరు కొన్ని సింబల్స్ను టాటూలుగా వేయించుకుంటారు. అలా రష్మిక మందాన్న చేతికి కూడా ఓ టాటూ ఉంటుంది. ఆ టాటూ అర్థం ఏంటో ఇది వరకు ఎన్నో సార్లు చెప్పినా కూడా తాజాగా మరో క్లుప్తంగా వివరించేశారు.
లైవ్లో అభిమానులు అడిగిన ఎన్నో ప్రశ్నలకు సమాధానమిచ్చిన రష్మిక తన టాటూ గురించి అడగడంతో ఎంతో వివరంగా చెప్పారు. తన టాటూ అర్థమంటూ ఎంతో స్పష్టంగా చెప్పారు. నీలాంటి వాళ్లు ఒక్కరే ఉంటారు.. నిన్ను ఎవ్వరూ రీప్లేస్ చేయలేరు.. నీకు నువ్వే ఉండాలి.. నీకు నువ్వే మిగులుతావ్.. ఇర్రిప్లేసబుల్ అని అంటూ టాటూ గురించి చెప్పుకొచ్చారు. ప్రస్తుతం తాను బాలీవుడ్లో రెండు ప్రాజెక్ట్లు చేస్తున్నానని, మరో ప్రాజెక్ట్ చర్చల్లో ఉందని త్వరలోనే ఓకే అయ్యే అవకాశాలున్నాయని తెలిపారు.