కాగా, మొగులయ్య వంటి జానపద కళాకారులపై పవన్ కల్యాణ్ కు మొదటి నుంచి అభిమానం ఉంది. ఈ నేపథ్యంలో మొగులయ్యకు రూ.2 లక్షల ఆర్థికసాయం ప్రకటించారు. తాను స్థాపించిన పవన్ కల్యాణ్ లెర్నింగ్ సెంటర్ ఫర్ హ్యూమన్ ఎక్సలెన్స్ సంస్థ ద్వారా ఈ ఆర్థికసాయం అందించనున్నారు. మొగులయ్యకు ఆర్థికసాయంపై పవన్ కల్యాణ్ ఇప్పటికే తన కార్యాలయ సిబ్బందికి సూచనలు చేశారు. త్వరలోనే మొగులయ్యకు చెక్కును అందజేయనున్నారు.
మొగులయ్య స్వస్థలం తెలంగాణలోని ఆమ్రాబాద్ రిజర్వ్ అటవీప్రాంతం. ప్రత్యేకంగా 12 మెట్ల కిన్నెర వాయిద్యాన్ని రూపొందించి, దానిపై అద్భుతమైన రీతిలో స్వరాలు పలికిస్తూ గానం చేస్తుంటాడు. కిన్నెర వాద్యకారుడు మొగులయ్యను పవన్ అరుదైన కళాకారుడిగా గుర్తించారు. ఇటువంటి ప్రత్యేకమైన జానపద కళారూపాలను యువతకు పరిచయం చేయాలని ఆయన భావిస్తున్నారు.