టాలీవుడ్ పవర్ స్టార్ పవన్ కల్యాణ్ తాజాగా నటిస్తున్న చిత్రం భీమ్లా నాయక్. ఈ సినిమా టైటిల్ సాంగ్ ఇటీవలే రిలీజ్ కాగా, అభిమానుల స్పందన మామూలుగా లేదు. భీమ్లా నాయక్ అంటూ సాగే ఈ పాటలో మొదట వచ్చే పరిచయ వాక్యాలను కిన్నెర కళాకారుడు మొగులయ్య ఆలపించారు. మొగులయ్య తన ఈ పాటలో కిన్నెర వాయిద్యాన్ని రమ్యంగా మీటుతూ భీమ్లా నాయక్ పుట్టుపూర్వోత్తరాలను పరిచయం చేశాడు.
కాగా, మొగులయ్య వంటి జానపద కళాకారులపై పవన్ కల్యాణ్ కు మొదటి నుంచి అభిమానం ఉంది. ఈ నేపథ్యంలో మొగులయ్యకు రూ.2 లక్షల ఆర్థికసాయం ప్రకటించారు. తాను స్థాపించిన పవన్ కల్యాణ్ లెర్నింగ్ సెంటర్ ఫర్ హ్యూమన్ ఎక్సలెన్స్ సంస్థ ద్వారా ఈ ఆర్థికసాయం అందించనున్నారు. మొగులయ్యకు ఆర్థికసాయంపై పవన్ కల్యాణ్ ఇప్పటికే తన కార్యాలయ సిబ్బందికి సూచనలు చేశారు. త్వరలోనే మొగులయ్యకు చెక్కును అందజేయనున్నారు.
