వివరాల్లోకి వెళ్తే… మీడియా సమావేశంలో కేసీఆర్ సర్కారు పాలనపై షర్మిల తీవ్రస్థాయిలో ధ్వజమెత్తారు. అదే సమయంలో విలేకరులు కేటీఆర్ గురించి ఏదో ప్రశ్న అడగ్గా.. కేటీఆరా… ఆయనెవరు? అంటూ తనకు తెలియదన్నట్లుగా మాట్లాడారు. పక్కనే ఉన్న ఓ నేత.. కల్వకుంట్ల తారక రామారావు గారు మేడమ్ అని చెప్పగా… ఓహ్.. కేసీఆర్ గారి కొడుకా? అని నవ్వారు. షర్మిల వ్యాఖ్యలతో అక్కడున్న నేతలు, విలేకరులు కూడా నవ్వారు.
ఈ సందర్భంగా షర్మిల మాట్లాడుతూ.. తండ్రి కేసీఆర్లాగే కేటీఆర్కు మహిళలంటే గౌరవం లేదని వ్యాఖ్యానించారు. కేటీఆర్ పెద్ద మొగోడు కదా.. మరి మహిళలు, నిరుద్యోగులకు ఏం చేస్తున్నారు? అని నిలదీశారు. కేటీఆర్కు దమ్ముంటే రాష్ట్రంలో ఖాళీవున్న ఉద్యోగాలను భర్తీ చేసి నిరుద్యోగులకు న్యాయం చేయాలని డిమాండ్ చేశారు.