టాలెంటేట్ యువ హీరో విశ్వక్ సేన్ త్వరలోనే పాగల్ అనే మరో విభిన్నమైన సినిమాతో రాబోతున్న విషయం తెలిసిందే. ఈ నగరానికి ఏమైంది సినిమాతో యూత్ లో తనకంటూ ఒక ప్రత్యేకమైన క్రేజ్ అందుకున్న ఈ హైదరాబాద్ హీరో అనంతరం ఫలక్ నుమా దాస్ సినిమాతో మరొక ట్రెండ్ సెట్ చేసిన విషయం తెలిసిందే.
ఎలాంటి సినిమా చేసినా కూడా ఎవరు ట్రై చేయని విధంగా ఉండాలని విశ్వక్ చాలా కొత్తగా ఆలోచిస్తున్నాడు. తన మాటలతోనే అభిమానులకు చాలా దగ్గరవుతున్నాడు. ఇక నెక్స్ట్ రాబోతున్న పాగల్ సినిమాపై ఓ వర్గం ప్రేక్షకుల్లో అంచనాలు గట్టిగానే ఉన్నాయి. సినిమాకు సంబంధించిన ఓ పాట కూడా మంచి హైప్ క్రియేట్ చేసింది. అయితే ఈ సినిమాను ఓటీటీలో విడుదల చేస్తున్నట్లు రూమర్స్.
అయితే అందులో ఎలాంటి నిజం లేదని హీరో విశ్వక్ సేన్ ఒక క్లారిటి అయితే ఇచ్చేశాడు. ఈ సినిమాను దిల్ రాజు ప్రొడక్షన్ లో నిర్మించిన విషయం తెలిసిందే. అసలైతే ఈ సమ్మర్ లోనే రిలీజ్ చేయాలని అనుకున్నప్పటికి మళ్ళీ కరోనా సెకండ్ వేవ్ దెబ్బ కొట్టిన విషయం తెలిసిందే. ఇక చిన్న సినిమాలు చాలా వరకు ఓటీటీకి వెలుతుండడంతో పాగల్ కూడా ఫిక్స్ అయినట్లు టాక్ వచ్చింది. కానీ అది నిజం కాదని హీరో రూమర్స్ కు చెక్ పెట్టాడు.