శ్రీవిష్ణు కథానాయకుడిగా ఈ మధ్య వచ్చిన ‘రాజ రాజ చోర’ సినిమాకి మంచి రెస్పాన్స్ వచ్చింది. విడుదలైన తొలిరోజునే హిట్ టాక్ తెచ్చుకుని, శ్రీవిష్ణు తేలికగా ఊపిరి పీల్చుకునేలా చేసింది. ఆ తరువాత సినిమాగా ఆయన నుంచి రావడానికి ‘భళా తందనాన’ సినిమా సిద్ధమవుతోంది. ఈ నేపథ్యంలోనే ఆయన ‘అర్జున ఫల్గుణ’ అనే రొమాంటిక్ ఎంటర్టైనర్ ను కూడా పట్టాలెక్కించాడు.
మ్యాట్నీ ఎంటర్టైన్మెంట్స్ బ్యానర్ పై ఈ సినిమాను నిర్మిస్తున్నారు. తేజ మర్నీ దర్శకత్వం వహిస్తున్నాడు. ఈ సినిమా నుంచి వదులుతున్న ప్రచార చిత్రాలు అందరిలో ఆసక్తిని రేకెత్తిస్తున్నాయి.’విజయదశమి’ సందర్భంగా శుభాకాంక్షలు తెలియజేస్తూ ఒక కొత్త పోస్టర్ ను రిలీజ్ చేశారు. ఈ పోస్టర్ కూడా చాలా ఇంట్రెస్టింగ్ గా ఉంది. ఈ సినిమాలో కథానాయికగా అమృత అయ్యర్ నటిస్తోంది. తమిళ సినిమాలు ఎక్కువగా చేస్తూ వచ్చిన ఆమె, ‘రెడ్’ సినిమాతో తెలుగు తెరకి పరిచయమై, ’30 రోజుల్లో ప్రేమించడం ఎలా?’ సినిమాతో మంచి గుర్తింపు తెచ్చుకుంది. త్వరలోనే ‘అర్జున ఫల్గుణ’ విడుదల తేదీని ప్రకటించనున్నారు.
చెడు పై మంచి విజయం ఎప్పుడూ సాధిస్తూనే ఉంటుంది! ఈసారి గెలుపు ఊర మాస్ గా ఉంటుంది!
అర్జున్ గాడి దండయాత్ర త్వరలోనే మొదలు🤟#ArjunaPhalguna Coming soon in Theatres🎉#HappyDussehra ❤️🤩@MatineeEnt @DirTejaMarni #AnveshReddy @pasha_always@Actor_Amritha @priyadarshan_09 pic.twitter.com/pbdvze07vd
— Sree Vishnu (@sreevishnuoffl) October 15, 2021