ఇండియన్ వెబ్ సిరీస్ హిస్టరీలో రెండు సీజన్లు బ్లాక్బస్టర్లుగా నిలచిన సిరీస్ ది ఫ్యామిలీ మ్యాన్. ఇటీవల విడుదలైన 2 సిరీస్ అందరి నోట బ్లాక్బస్టర్ టాక్ను సొంతం చేసుకొన్నది. ది ఫ్యామిలీ మ్యాన్ 2 సిరీస్ చివర్లో మూడో సిరీస్కు రెడీ అవుతున్నామంటూ క్లారిటీ ఇచ్చారు దర్శకులు రాజ్ అండ్ డీకే. అయితే ది ఫ్యామిలీ మ్యాన్ 2 ప్రమోషనల్లో భాగంగా విలక్షణ నటుడు మనోజ్ బాజ్పేయ్ సీజన్ 3పై ఆసక్తికరమైన విషయాలు వెల్లడించారు.
మనోజ్ బాజ్పేయ్ మీడియాతో మాట్లాడుతూ.. మూడో సీజన్కు సంబంధించిన కథ మొత్తం రెడీ అయింది. ప్రస్తుతం కరోనావైరస్ పరిస్థితుల కారణంగా అందరూ లాక్డౌన్లో ఉన్నారు. ఒకసారి లాక్డౌన్ పూర్తయిన తర్వాత మళ్లీ షూటింగు మొదలుపెడుతాం. ఇప్పటికే కథ, డైలాగ్స్, స్క్రీన్ ప్లే అంతా సిద్ధంగా ఉంది అంటూ తెలిపారు.
ఇక లాక్డౌన్, కరోనావైరస్ పరిస్థితులు తగ్గుముఖం పట్టి అంతా సానుకూలంగా మారితే.. ఏడాదిన్నర కాలం లోపలే ది ఫ్యామిలీ మ్యాన్ 3 రిలీజ్ అవుతుంది. అమెజాన్ ప్రైమ్ వీడియోతో కూడా సంప్రదింపులు జరుపుతున్నారు. ఇప్పటి ప్లాన్ ప్రకారం.. ది ఫ్యామిలీ మ్యాన్ 3 2022లో గానీ, 2023 ఆరంభంలో గానీ రిలీజ్ అవుతుంది అని మనోజ్ బాజ్పేయ్ తెలిపారు.