టాలీవుడ్యాక్టర్ అల్లు అర్జున్ కూతురు అల్లు అర్హ ప్రతీ పనిలో చాలా చురుకుగా ఉంటుందని ప్రత్యేకించి చెప్పనవసరం లేదు. అల్లు అర్హ తనలోని డ్యాన్స్, యాక్టింగ్ తోపాటు మరో కళను కూడా అందరికీ పరిచయం చేసింది. ఇంతకీ ఆ ఆర్ట్ ఏమిటనే కదా మీ డౌటు. విగ్రహం తయారీ. అవును వినాయక చవితి సందర్భంగా గణేశుడి విగ్రహాలను బయట నుంచి కొనుగోలు చేసి ఇంట్లో ఏర్పాటు చేస్తారని తెలిసిందే.
మా కుటుంబానికి వినాయకుడిని కొనుక్కొనే అవసరమేమి లేదన్నట్టుగా తానే స్వయంగా గణేశుడిని తయారు చేసింది అర్హ. ఈ చిన్నది పర్యావరణానికి హాని కలిగించని మట్టి గణపతిని తయారు చేయడం విశేషం. బ్లాక్ అవుట్ ఫిట్ లో ఉన్న అర్హ మట్టి గణపతిని పట్టుకుని, చిరునవ్వులు చిందిస్తున్న ఫొటోను అల్లు స్నేహ సోషల్ మీడియాలో షేర్ చేసింది. ఈ స్టిల్ నెట్టింట్లో వైరల్ అవుతోంది. ఫిట్ నెస్ ట్రైనర్ నీలమ్ మంగత్ పంపించిన మట్టి గణేశుడి స్టిల్ని కూడా ఇన్ స్టా స్టోరీస్ లో అందరితో పంచుకుంది స్నేహా రెడ్డి.
అర్హ గుణశేఖర్ దర్శకత్వంలో శాకుంతలం సినిమాతో సిల్వర్ స్క్రీన్ పై మెరువబోతున్న విషయం తెలిసిందే. ఇప్పటి నుంచే తన కూతురికి అన్ని రకాల స్కిల్స్ నేర్పిస్తూ చాలా మంది తల్లిదండ్రులకు స్పూర్తిగా నిలుస్తున్నాడు బన్నీ