ఇప్పటికే ఐపీఎల్ వేలం ముగిసింది. మ్యాచుల నిర్వహణకు బీసీసీఐ సిద్ధమవుతోంది. హైదరాబాద్కు చెందిన క్రీడాకారుల్ని టీంలోకి తీసుకోలేదన్న విమర్శలు వచ్చాయి. ఈ క్రమంలో ఐపీఎల్ మ్యాచుల కోసం కేటీఆర్ కీలక ట్వీట్ చేశారు.
హైదరాబాద్లో ఉంటున్న క్రికెట్ అభిమానులకు ఓ అదిరిపోయే వార్త చెప్పారు కేటీఆర్. బీసీసీఐ, ఐపీఎల్ను ఉద్దేశించి ఆయన ఓ ట్వీట్ చేశారు. ఇండియన్ ప్రీమియర్ లీగ్ (ఐపీఎల్) ను హైదరాబాద్ లో నిర్వహించాలని ఐటీ శాఖ మంత్రి కేటీఆర్ బీసీసీఐను కోరారు. ఈ మేరకు కేటీఆర్ తన ట్విట్టర్ ఖాతా వేదికగా ఓ ట్వీట్ చేశారు. బీసీసీఐ, ఐపీఎల్కు మంత్రి కేటీఆర్ ఆఫర్ ఇచ్చారు. హైదరాబాద్ నగరం సురక్షితమన్నారు. నగరంలో కరోనా కేసుల సంఖ్య కూడా తక్కువగా ఉందన్నారు. అందుకే వచ్చే ఐపీఎల్ సీజన్ లో హైదరాబాద్ ను కూడా వేదికగా చేయాలని కోరారు.
తాము తీసుకున్న చర్యల కారణంగా కరోనా పారిపోయిందని, మిగతా మెట్రో నగరాలతో పోల్చితే హైదరాబాద్ సురక్షితంగా ఉందని కేటీఆర్ వివరించారు. ఐపీఎల్ నిర్వహణ తమ ప్రభుత్వం పూర్తి సహాయ సహకారాలను అందిస్తుందని మంత్రి హామీ ఇచ్చారు. వచ్చే ఐపీఎల్ నిర్వహణ కోసం బీసీసీఐ ఐదు నగరాలను బీసీసీఐ పరిశీలిస్తోంది. అయితే హైదరాబాద్ నగరం పరిశీలనలో లేకపోవడంతో కేటీఆర్ రంగంలోకి దిగి మా దగ్గర కూడా పెట్టాలని వేడుకోలు చేశారు.
మరోవైపు ఖైరతాబాద్ టీఆర్ఎస్ ఎమ్మెల్యే దానం నాగేందర్ ఇటీవలే ఐపీఎల్ మ్యాచ్లపై కీలక వ్యాఖ్యలు చేసిన విషయం తెలిసిందే. హైదరాబాద్కు చెందిన సన్రైజర్స్ టీమ్లో హైదరాబాద్కు చెందిన ప్లేయర్స్ను తీసుకోకపోవడంపై ఆయన మండిపడ్డారు. ఇక్కడ క్రీడలు నిర్వహిస్తే అడ్డుకుంటామని వార్నింగ్ కూడా ఇచ్చారు. అయితే ఇప్పుడు కేటీఆర్ ఐపీఎల్ మ్యాచ్లు హైదరాబాద్లో నిర్వాహించాలని కోరడం ఇప్పుడు పార్టీ నేతల్లో చర్చనీయాంశమైంది.
Open appeal to @BCCI and @IPL office bearers to include Hyderabad as one of the venues for upcoming IPL season
Our effective COVID containment measures are reflected in our low number of cases among all metro cities in India & we assure you of all support from the Govt
— KTR (@KTRTRS) February 28, 2021