గత కొన్ని రోజులుగా వద్దన్నా సమంతపై వార్తలు వస్తూనే ఉన్నాయి. ముఖ్యంగా విడాకులు తీసుకున్న తర్వాత ఈమె గురించి ఎక్కువగా ఫోకస్ చేస్తున్నారు అభిమానులు. సోషల్ మీడియాలో కూడా నెటిజన్లు సమంత గురించి తెలుసుకోవాలని మరింత ప్రయత్నిస్తున్నారు. ఆమె గురించి తెలియని నిజాలు ఏమైనా ఉన్నాయా అని ఆరా తీస్తున్నారు. దానికి తోడు సమంత వ్యక్తిగత జీవితం గురించి ఎవరేం చెప్పినా కూడా ఆసక్తిగా గమనిస్తున్నారు. ఈ క్రమంలో గత కొన్నేండ్లుగా సమంత దగ్గర పర్సనల్ మేకప్ ఆర్టిస్ట్గా పనిచేస్తున్న సాద్నా సింగ్ కొన్ని ఆసక్తికరమైన విషయాలు చెప్పింది. అక్కినేని ఫ్యామిలీ కోసం సమంత ఎన్నో త్యాగాలు చేసింది అంటూ సంచలన వ్యాఖ్యలు చేసింది.
సమంతకు పిల్లలను కనడం ఇష్టం లేదని సోషల్ మీడియాలో వస్తున్న వార్తలు అవాస్తవమని సాద్నా సింగ్ కొట్టి పారేసింది. అంతేకాదు నాగ చైతన్య అంటే సమంతకు ప్రాణం అని.. ఆయన మీదే ఇన్నాళ్లు ప్రాణం పెట్టుకుని బతికింది అంటుంది. అంతేకాదు అక్కినేని కుటుంబం అంటే ఎంతో ప్రేమ ఉందని.. కేవలం అక్కినేని ఫ్యామిలీ కోసమే ఎన్నో పెద్ద పెద్ద సినిమాలు వదిలేసిన విషయం కూడా సమంత మేకప్ ఆర్టిస్ట్ తెలిపింది. నాగచైతన్య, సమంత ఎంతో అందమైన జంట అని.. వాళ్లు ఎందుకు విడిపోయారో ఇప్పటికీ తమకు అర్థం కావడం లేదని చెప్పుకొచ్చింది ఈమె. తన దగ్గర పనిచేసే వ్యక్తులను కూడా సొంత మనుషులుగా చూడటం సమంత గొప్పతనం అని.. ఎప్పుడూ తమను బయటి వ్యక్తుల్లా ట్రీట్ చేయలేదు అని చెబుతోంది సాద్నా సింగ్.
చిన్నా పెద్దా అందరినీ సమంత గౌరవిస్తుందని.. అలాగే పిల్లల్ని కనడానికి సమంత చాలా రోజులుగా ప్రయత్నిస్తుందని చెప్పింది. పిల్లల్ని ఎలా పెంచాలి.. వాళ్లని ఎలా పెంచాలనే విషయంపై పుస్తకాలు కూడా చదివేది అంటూ కొత్త కొత్త విషయాలను బయటపెట్టింది సమంత మేకప్ ఆర్టిస్ట్. పిల్లల్ని కని త్వరగా తన ఫ్యామిలీ లైఫ్ మొదలుపెట్టాలని సమంత కలలు కన్నదని.. అలాంటి వ్యక్తిపై పిల్లల్ని కనడం ఇష్టం లేదని పుకార్లు రావడం చూసి బాధ కలిగింది అంటుంది సాద్నా సింగ్. ఫ్యామిలీమ్యాన్ 2లో నటించిన తర్వాత సమంతకు బాలీవుడ్ నుంచి ఎన్నో ఆఫర్లు వచ్చాయని.. కానీ కేవలం అక్కినేని ఫ్యామిలీ కోసమే ఆ ఆఫర్లు అన్నింటినీ దూరం చేసుకుందని సమంత చేసిన త్యాగాలు ఏంటో బయటపెట్టింది సాద్నా సింగ్