మెహర్ రమేశ్ ‘బోళా శంకర్’ అనే టైటిల్ ను ఖరారు చేయగా, బాబీ దర్శకత్వంలో రూపొందనున్న సినిమాకి ‘వాల్తేర్ వీర్రాజు’ టైటిల్ ను పరిశీలిస్తున్నారు. మైత్రీ మూవీ మేకర్స్ వారు ఈ సినిమాను భారీ బడ్జెట్ తో నిర్మించనున్నారు. ఈ సినిమాలో ఒక కీలకమైన పాత్ర కోసం రవితేజను సంప్రదిస్తున్నారనేది తాజా సమాచారం.
ఈ పాత్రకి రవితేజ అయితేనే సరైన న్యాయం జరుగుతుందనే ఉద్దేశంతో ఆయనను గట్టిగానే రిక్వెస్ట్ చేస్తున్నారట. చిరంజీవితో రవితేజకు మంచి సాన్నిహిత్యం ఉంది. గతంలో ఆయన సినిమాలైన ‘అన్నయ్య’ .. ‘శంకర్ దాదా జిందాబాద్’ సినిమాల్లో కనిపించాడు. ఆయనని అడుగుతుండటం నిజమే అయితే, ఒప్పుకునే అవకాశాలు ఎక్కువనే అభిప్రాయాలు వినిపిస్తున్నాయి.